Volverán as flores e os ventos criadores
amañeceres intensos
tardes á sombra das maciñeiras.
Volverán as noites de verán sen presas para volver a casa
madrugadas de conversa e risas
recordos doutros tempos, doutras noites.
Volverán, xa están volvendo, as tardes alongándose no tempo,
os pementos da horta para cenar,
os paseos antes de se deitar.
E ao lonxe a música dalgunha orquestra,
foguetes, fogos de artificio
e dous que se namoran case sen querelo.
No hay comentarios:
Publicar un comentario